Օրը՝ Օգոստոսի 30, ժամը՝ 09.00-12.00
Մասնակիցներ՝ Հյուսիսային դպրոցի 2-րդ դասարանցիներ, ծնողներ
Պատասխանատուներ՝ Մանուշակ Աբրահամյան, Մարինե Մխիթարյան
Ծրագրում՝
Առավոտյան ընդհանուր պարապմունք
Մարզատոն (տես ստորև)
Լող
Պաղպաղակների հյուրասիրություն
Օրվա ամփոփում
Սովորողների ճանապարհում՝ 2018-2019 ուստարվա երթուղիներ, պատասխանատուներ
Վայրը՝ Հյուսիսային դպրոցի արևելյան լանջեր
Մասնակիցները՝ շորտերով, դասարանական շապիկներով, սպորտային կոշիկներով, արևապաշտպան գլխարկներով, ուսապարկերում՝ ջուր, թաց և չոր անձեռոցիկներ, չոր քաղցրավենիք:
Անհրաժեշտ պարագաներ՝մարզագույք (օղակներ, բուլավաներ, գնդակներ)
Մարզական խաղեր՝
Խաղ 1
Խաղահրապրակում շարքերի դիմաց դրված են օղակներ: Սովորողը, ձեռքերում գնդակ բռնած , երկու ոտքերով թռնելով մի օղակից մյուսը՝ անցնում է ճանապարհը, գնդակը թողնում եզրագծի կանգնակի մոտ և վերադառնում: Հաջորդ սովորողը նույնպես ցատկելով հասնում է գնդակին և վերադարձնելով այն ՝փոխանցում ընկերոջը: Եզրագիծը հատելուց հետո վերադառնում են վազելով:
Խաղ 2
Մասնակիցները բաժանվում են խմբերի։ Յուրաքանչյուր խմբի երկուական օղակ է տրվում։ Մասնակիցը մտնում է առաջին օղակի մեջ, իսկ երկրորդը դնում է իր օղակին կից։ Ցատկելով հաջորդ օղակի մեջ՝ նախորդը կից տեղափելով հասնում է եզրագծին։
Խաղ 3
Սովորողները կազմում են սյունաձև շարք: Սովորողներից երկուսը օղակը բռնած կանգնում են եզրագծի մոտ: Մյուս սովորողները, հերթականությամբ գնդակը խաղացնելով, հասնում են օղակին և նետում գնդակը օղակի մեջ: Եզրագծից վերադառնում են վազելով՝ գնդակը ձեռքին բռնած:
Մասնակիցները բաժանվում են երկու խմբի: Երկու մասնակից կանգնում են թիկունքով, փորձում են իրենց մեջտեղում պահած գնդակը (կամ փուչիկը), առանց գետնին գցելու, հասցնել օղակին:
Նախագիծը՝ Մանուշակ Աբրահամյանի բլոգից
Մարինե Մխիթարյան 