«Բարձունքի հաղթահարում» նախագծի շրջանակներում պատրաստվում ենք իրականացնել`
«Բարձունքի հաղթահարում» նախագծի շրջանակներում պատրաստվում ենք իրականացնել`
- Ուսումնա-հայրենագիտական ճամփորդություն դեպի Արայի լեռ՝ Ծաղկեվանքի բարձունք
-
ՀԱՄԲԱՐՁՄԱՆ ՏՈՆԻ ԺՈՂՈՎՐԴԱԿԱՆ ՍՈՎՈՐՈՒՅԹՆԵՐԻ ԻՐԱԿԱՆԱՑՈՒՄ
- Նկարչական պլեներ
- Շրջակա միջավայրի խնամք, հանրօգուտ աշխատանք Ծաղկեվանքի հարակից տարածքում
Հաղթահարվող բարձունքը՝ Արայի լեռ՝ Ծաղկեվանքի բարձունք
Նախագծի իրականացման օրը՝ հունիսի 5
Մեկնում՝ հունիսի 5-ին, ժամը 09:30
Վերադարձ՝ ժամը 16:00
Ճամփորդողների խումբը` Հյուսիսային դպրոցի 2-րդ, 3-րդ դասարանների սովորողներ, դասավանդողներ, ծնողներ
Նպատակը՝ Սովորողների ստեղծագործական, հայրենագիտական, աշխարհագրական, ճամփորդական գիտելիքների զարգացում, ամրապնդում, կողմնորոշում տեղանքում, հայրենիքի տեսարժան վայրերի ու բարձունքերի բացահայտում:
Հանգած հրաբուխ Արագածի հվ-արլ-ում՝ Քասաղ և Հրազդան գետերի միջև: Բարձրությունը 2577 մ է: Ունի հատած գագաթով անկանոն կոնի ձև: Հվ-արմ.-ում կա բնական պատռվածք: Արայի լեռը բազմածին հրաբուխ է: Կազմված է նեոգենի հրաբխային ապարներից: Լանջերը կտրտված են ձորակներով: Կլիման ցամաքային է, տարեկան տեղումները՝ 300-400 մմ: Հանդիպում են կաղնու նոսր պուրակներ ու թփուտներ: Արա լեռան ստորոտին տարածված են գորշահողերով ծածկված օշինդրային կիսաանապատները, բարձրադիր մասերում՝ տափաստանները, հս. լանջը բավականին անտառապատ է, ցածրադիր մասում կան կաղնու և լորենու նոսր պուրակներ, գիհու մացառուտներ և թփուտներ:
Նախապատրաստական աշխատանք
Մինչ բարձունքը հաղթահարելը 3-րդ դասարանցիները գրանցում, ուսումնասիրում են սուրբ Վարվառայի լեգենդը, ընթերցում են ավանդապատումներ Արայի լեռան մասին, ինչպես նաև ուսումնասիրում այցելվող վայրը, ծանոթանում ժողովրդական սովորույթներին, կլիմային, բուսական և կենդանական աշխարհին, google map-ով գծում ճամփորդության երթուղին: 2-րդը դասարանցիները վիդեոպատումներով և նկարներով անդրադառնում են լեգենդին:
Ընթացքը՝
Աշխարհագրական-հայրենագիտական
- Ճանապարհին հանդիպող գյուղերի ցուցանակների գրանցում
Ընթերցողական
- Թումանյանական ընթերցումներ բարձունք հաղթահարելիս, բարձունքին, ճանապարհին…
Բնապահպանական
- Աղբից մաքրում ճանապարհը, Ծաղկեվանքի հարակից տարածքը, լուսանկարում
Տեխնոլոգիական
- Բարձունքում իրականացնում նկարչական-լուսանկարչական պլեներ
Չափումներ
- Ճանապարհի, բարձունքը հաղթահարելու վրա ծախսված ժամանակի գրանցում, համեմատում /քարտեզում նշված տվյալների հետ/։
Բարձունքի հաղթահարում
- Հաղթահարում ենք Ծաղկեվանքի բարձունքը
Անհրաժեշտ պարագաներ՝
- Ուսապարկ
- Բրդուճներ, ջուր
- Թաց և չոր անձեռոցիկներ
- Արևապաշտպան գլխարկ
- Հարմար հագուստ, կոշիկ
- Բուժական արկղիկ
- Մեդիագործիքներ – հեռախոս, պլանշետ, ֆոտոխցիկ, ձայնագրիչ
- Գուաշ /ջրաներկ/, վրձին, ջրաման, թղթեր, գոգնոցներ
- Աղբի տոպրակ, մեկանգամյա օգտագործման ձեռնոցներ
- Հեռադիտակ
Սովորողների հետ նախապատրաստական աշխատանքներ`
Google maps ծրագրով սովորողների հետ գծել ճամփորդության երթուղին:
Ճամփորդության ավարտից հետո սովորողներն ընդհանրացնում են հավաքած տեղեկությունները, իրենց տպավորությունները և վերջնական արդյունքները հրապարակում անհատական բլոգներում:
Նախագիծը՝ Կարինե Մամիկոնյանի բլոգից
Մարինե Մխիթարյան 